«Merv» boýunça tapyldy: 6
Türkmenistan6 günUgrukmalar: Aşgabat, Nusay,Mary, Merw, Gaz krateri Derweze, Köneürgenç
Türkmenistanyň «Klassik syýahaty» bilen sizi gyzykly alty günlük ýol garaşýar! Siz gadymy galalary we antik şäherleriň harabalaryny görersiňiz, minaralaryň hem-de mawzoleýleriň nepis gündogar arhitekturasyndan lezzet alarsyňyz. Şeýle hem siz türkmen topragynyň tebigy täsinliginiň biri bolan, eýýäm ençeme onýyllyklardan bäri Garagum çölünde ýanyp duran meşhur gaz kraterine baryp görersiňiz.
Türkmenistan4 günUgrukmalar: Köneürgenç, Derweze, Aşgabat, Nusaý, Mary, Merw
4 günüň dowamynda Türkmenistanyň ýüregini açyp görmegiňizi teklip edýäris! Syýahat taryhy Köneürgençden başlaýar, ol X–XII asyrlar aralygynda Horezm patyşalygynyň paýtagty bolup, täsin mazarlaryň we Merkezi Aziýanyň iň beýik minaretiniň gözelligine guwanarsyňyz. Soňra meşhur Derweze gaz kraterine gidip, onuň ajaýyp görnüşinden lezzet alyp, ýyldyzly asman astynda palatka bilen gijeläp geçersiňiz. Ikinji günde syýahat Aşgabatda dowam edýär: şäheriň arhitekturasy bilen tanyşyp, baglar, Garaşsyzlyk ýadygärlikleri, Milli taryh we etnografiýa muzeýi we ÝUNESKO-nyň dünýä mirasynyň sanawyna giren gadymy Nusaý bilen tanşarsyňyz. Göni tejribe Ahalteke atlary bilen tanyşlyk we däp bolan türkmen çäý nahary bilen baýlaşýar.Üçünji gün paýtagty öwrenmäge bagyşlanýar, soňra Mary şäherine sapar edýärsiňiz. Ahyrynda bolsa, Şaýat ýolunyň esasy şäheri bolan Gadymy Merwiň şöhratyna göz ýetiriň, XII asyr mazarlary we arheologik ýerleri bilen tanyşyň we soňra Türkmenistan–Özbegistan serhedine tarap ugruň.Bu syýahat gysga wagtyň içinde Türkmenistanyň medeni, taryhy we tebigy baýlyklaryny görmek, ýurduň ruhuny duýmak we baý mirasyny tejribe etmek isleýän ähli adamlar üçin amatlydyr.
Türkmenistan3 günUgrukmalar: Aşgabat, Merw, Köneürgenç
Türkmenistan we Özbegistanyň taryhy baýlyklary bilen tanş bolmak üçin täsirli syýahata gatnaşyň! Üç günlük bu syýahat sizi häzirki zaman paýtagtymyz Aşgabadyň ajaýyp arhitekturasyndan başlap, müňýyllyklaryň dowamynda Beýik Ýüpek ýolunyň şöhratly şäherlerine çenli alyp gider. Siz diňe bir binalary synlamak bilen çäklenmän, eýsem sebitiň baý medeniýeti, däp-dessurlary we sungaty bilen hem içgin tanyşarsyňyz. Paýtagt Aşgabat dünýäde iň köp ak mermerli binasy bolan şäher hökmünde Ginnesiň rekordlar kitabyna girizilen. Bu ýerde giň şaýollaryň, beýik köşkleriň, owadan seýilgähleriň we fontanlaryň arasynda gezelenç edip, häzirki zaman bilen milli däpleriň sazlaşygyny görersiňiz. Soňra sizi dünýäniň iň gadymy şäherleriniň biri bolan Merw garaşýar. Bu şäher bir wagtlar «Gündogaryň şa merjeniniň» adyny alyp, söwda we ylym merkezine öwrülen. Gadymy diwarlaryň arasynda gezelenç edip, siz müňýyllyklaryň jümmüşine syýahat edersiňiz. Syýahatyňyz Göneürgenç bilen dowam eder. Bu şäher beýik minaralary, täsin mawzoleýleri we gadymy ýadygärlikleri bilen meşhurdyr. Ol Beýik Ýüpek ýolunyň möhüm ruhy we söwda merkezleriniň biri bolup, häzirki günlere çenli öz ajaýyplygyny saklapdyr. Bu syýahat diňe bir taryhy ýerler bilen tanatman, eýsem sebitiň aýratyn medeni gurşawyny duýmaga mümkinçilik berer. Siz milli tagamlardan lezzet alarsyňyz, ýerli bazarlaryň reňkli durmuşyny synlarsyňyz we halkyň myhmansöýerligine guwanarsyňyz. Üç günde siz diňe bir ýerleri görmezden, eýsem Türkmenistany we Özbegistany birleşdirýän taryhyň we medeniýetiň çuňňur gatlaklaryna aralaşarsyňyz.
Türkmenistan3 günUgrukmalar: Aşgabat, Nusaý, Gypjak, muzeý, Derweze, Merw, Farap.
Türkmenistanyn taryhy baýlyklary bilen 3 günlik gyzykly syýahata geliň! Bu syýahat size häzirki zaman paýtagtymyz Aşgabadyň mermerden bina edilen ajaýyp arhitekturasyndan başlap, gadymy şäherleriň şöhratly taryhyna çenli giň dünýäni açar. Siz diňe bir gezelenç etmezden, eýsem türkmen halkynyň baý medeni mirasy, milli sungaty we tagamlary bilen hem içgin tanyşarsyňyz. Paýtagtymyz Aşgabat ak mermerli binalary, giň şaýollary, owadan seýilgähler we fontanlary bilen aýratyn ünsüňizi çeker. Bu şäherde häzirki zaman binagärligi bilen milli däpler bir bitewi sazlaşyk döredýär. Soňra sizi müňýyllyklaryň jümmüşinden çykyp gelen Nusaý galasy we dünýäde iň gadymy şäherleriň biri hasaplanýan Merw garaşýar. Bu şäherler bir wagtlar Beýik Ýüpek ýolunyň iň möhüm merkezleri bolup, söwdanyň, medeniýetiň we ylmyň ösüşinde uly orun eýeläpdir. Gadymy diwarlaryň arasynda gezelenç edip, siz taryhyň janly şaýady bolarsyňyz. Syýahatyň iň täsirli pursatlarynyň biri bolsa Derweze gaz krateri bolar. Dünyäde «Dowzah derwezesi» diýip tanalýan bu ýangynly jülgede gijeki ýyldyzlaryň astynda otlaryň şöhlelerini synlamak ömrüňizde gaýtalanmajak täsir galdyrar. Syýahat wagtynda siz türkmen halkynyň milli tagamlaryndan lezzet alyp, ýerli bazarlaryň özboluşly gurşawyny duýarsyňyz. Myhmansöýer halkyň mähri we dostlugy bolsa syýahatyňyza aýratyn öwüşgin goşar. Üç günlik bu syýahat diňe bir taryhyň syrly ýoluna çykmak däl, eýsem häzirki zaman bilen gadymy medeniýetiň sazlaşygyny duýmaga mümkinçilik berer.
Türkmenistan5 günUgrukmalar: Aşgabat, Derweze, Halynyň muzeýi
Türkmenistan sizi öz çöl tebigaty, baý medeniýeti we gadymy taryhy bilen garaşýar! Bu gezelençde siz diňe bir ýatdan çykmajak täsirler toplamak bilen çäklenmän, eýsem türkmen halkynyň gadymdan galan däp-dessurlary we häzirki döwürde döreden ajaýyp binagärlik sungaty bilen hem içgin tanyşarsyňyz. Sizi ilkinji nobatda dünýäniň iň täsin ýerleriniň biri bolan «Dowzah derwezesi» – äpet gaz krateri garaşýar. Gijeki düşelgede bu ýangynly jülgäniň şöhleleri bilen çöl asmanynyň ýyldyzlarynyň utgaşmasy ömürlik ýadyňyzda galar. Paýtagtymyz Aşgabat, dünýäde iň köp ak mermerli binalary bolan şäher hökmünde Ginnesiň rekordlar kitabyna girizilen. Siz bu ýerde häzirki zaman binagärligi bilen gadymy däplerimiziň sazlaşygyny görersiňiz: beýik mermer köşkleri, täsin şekilli diňleri, şeýle hem owadan seýilgähler we suw çeşmeleri. Türkmenistanyň ruhy baýlygyny görkezýän başga bir zat bolsa – Türkmen halylarydyr. Siz haly dokamak sungaty bilen tanyşyp, müňýyllyklaryň dowamynda nesilden-nesle geçip gelen nagyşlaryň manysyny eşidersiňiz. Dünýäniň iň owadan we çalt bedewleri hasaplanýan ahalteke atlarynyň gözelligi sizi haýran galdyrar. Bu bedewler diňe bir sport üçin däl, eýsem türkmen halkynyň buýsanjy we milli nyşanydyr. Ýerli ýaşaýşyň tagamyny duýmaga bolsa Gülüstan bazaryndan gowy ýer ýok. Bu ýerde siz dürli miweleriň, bahar otlarynyň, bahar çaýlarynyň we ýerli naharlaryň ysyna besleneriňiz. Türkmenleriň myhmansöýerligi we dostluklylygy bolsa siziň syýahatyňyza aýratyn öwüşgin goşar. Üstesine-de, siz Köneürgenç we Merw ýaly gadymy şäherleriň arheologik ýadygärliklerini görüp bilersiňiz. Bu ýerler bir wagtlar Beýik Ýüpek ýolunyň möhüm nokatlary bolup, müňlerçe ýyllap medeniýetleriň we söwda ýollarynyň birleşýän ýeri bolup hyzmat eden.
